Baydhabo,(insidesomalia.org)- Kooxo Hubeeysan ayaa xalay Magalada Baydhabo ku dilay Sarkaal tirsan Ciidamada Dowaladda Federaalka Soomsaliya xili uu ka soo baxayay Masjid ku yaala gudaha Magaalada Baydhabo.

Xiliga dilka loo geeysanayay Sarkaalkan ka tirsan Ciidamada Dowladda, gaar ahaan Ciidamada Militariga ayaa sida ay sheegeen dad goobjoogayaal ahaa waxaa uu kazoo baxayey masjid uu kutukadey salaada cisha.

Kooxda falka dilka ah geeystay ayaa la sheegay in markii ay hubsadeen in uu dhintey ninkii ay toogteen isga tagey halkii uu falka kadhacay.

Sarkaalka la dilay ayaa waxaa lagu magacaabi jiray Mad Janaay sida ay sheegeen dadka deegaanka.

Kadib dilka Marxuumka ayaa waxaa goobta soo gaaray Ciidamo Booliis ah oo isku gadaamay halka uu dilka ka dhacay, balse ma jiraan wax dad ah oo loo qabtay falka dilkaaasi.

Xaalada Magaalada Baydhabo ayaa saaka degan, mana jiraan wax saameeyn ah oo uu dilka xalay loogu geeystay Suuqa weyn ee Magaalada Baydhabo.

Ma’ahan markii ugu horeeysay ee dil qorsheeysan oo sidan oo kale ah loogu geeysto saraakiil sar sare oo ka tirsan Ciidamada Dowladda gudaha Magaalada Baydhabo, waxaana horay dilal loogu geeystay Saraakiil kale.